和 臺語文千萬字， 逐工欲和逐家做伙來捌一字。 俗語講「好額毋值著會食， 好命毋值著勇健。」 今仔日欲共逐家紹介這字， 「勇」（ióng）。 「勇」（ióng）， 第二調。 講一ê人誠健康、 身體誠好， 咱講這ê人誠勇； 物件耐用較袂歹， 像咱講：「這隻鞋仔誠勇」； 另外形容一ê人誠好膽， 咱講這ê人誠「勇敢」。 有敢向前衝、毋驚的氣魄， 咱講這ê人有「勇氣」； 講一ê身體健康， 咱講這ê人的身體誠「勇健」、「勇壯」； 講一ê人漢草好抑是物件誠耐用， 咱講誠「粗勇」。 《唐韻》余隴切 《集韻》《韻會》《正韻》尹竦切，音涌。 《說文》氣也。 一曰健也。從力，甬聲。 《玉篇》果決也。 《廣韻》猛也。 《增韻》銳也，果敢也。 （The meaning of word is brave, courageous or fierce.） 做伙來紹介兩ê詞， 第一ê詞：勇敢（ióng-kám） 意思是講一ê人有勇氣， 敢衝、敢做代誌。 第二ê例：勇跤（ióng-kha）， 形容一ê人強壯有力， 抑是講佇錢方面有實力。 咱用一句話來舉例， 共這兩ê詞佮做伙。 譬論講： 阿明做代誌誠「勇敢」， 有勇氣、敢衝、有擔當， 敢擔輸贏， 莫怪逐家呵咾伊是「勇跤馬」。 參考資料： 教育部臺灣閩南語常用詞辭典 https://twblg.dict.edu.tw/holodict_new/index.html 閣較濟內容，請鎖定台視台語台 https://www.youtube.com/channel/UCm1ZWHRUI8ergLCknsI9uiw #台視台語新聞 #台視台語台 #逐工一字 #台語每日一字 #台視台語主播郭于中 此篇相同回報者之文章列表

Order By:

21 articles